魚兒手記

鄉下校隊有一半人以前無打過棒球，一路以來剩係靠正選九個人去打比賽，最終代表自己嘅縣103年嚟再一次殺入決賽，而對手仲要係準備連霸嘅名校豪門隊，最終因為經驗同體力問題而飲恨。

係，你無聽錯。以上聽上去好似漫畫情節，但其實正正係現實發生嘅事。

呢隊來自秋田縣嘅金足農業高校係一間農業學校。無啦啦隊，無樂隊，打到一半仲因為成績超出預期，無足夠嘅經費。但成個縣上下都全力支持佢哋， 籌款捐畀呢一班追夢嘅少年。

而當中最驚人嘅可以話係佢哋嘅皇牌投手吉田輝星，以一人之力擔當所有賽事嘅投手，6場比賽投出881球！

雖然最後結局未能如願奪冠，但呢個暑假嘅神奇之旅已經足夠銘記一世。賽後嘅彩虹同我哋一樣，都見證咗你哋努力嘅付出。

https://www.facebook.com/100most/photos/a.292832474177740/1735720133222293/?type=3&theater