美研究：一個人食飯容易變肥！

有啲人可能覺得自己一個人食飯冇咩所謂，但原來係有所謂㗎，因為美國一項研究發現，一個人如果喺內心孤獨嘅情況之下自己一個食飯，食量容易增加而變肥。

 

美國德拉瓦大學心理與腦科學學院嘅教授同佢嘅研究團隊，用科學方法嚟測量孤獨同食量之間嘅關係，希望了解孤獨同單身女性嘅飲食習慣兩者有咩因果關係。實驗入面，42個參與者首先要禁食12個鐘，然後再畀佢哋食接近1000卡路里嘅食物，最後由研究人員分別採血紀錄佢哋飯前同飯後嘅血液狀態。

 

研究主要想觀察血液濃度入面嘅飢餓素，飢餓素由刺激食慾嘅功能，如果分泌太多會導致肥胖。而研究指出，越覺得孤獨嘅人分泌嘅飢餓素越高，變相會食越多嘢。

 

負責研究嘅教授表示，空肚感聯繫咗孤獨同體重，而食飯係一種人類社交本能，能夠維持情感聯繫，所以一枝公食飯就好容易會化空虛寂寞為食量，不停進食喇。

 

唔怪得我咁肥啦......

 

原本連結：https://hk.style.yahoo.com/%E7%BE%8E%E7%A0%94%E7%A9%B6-%E5%80%8B%E4%BA%BA%E9%A3%9F%E9%A3%AF%E5%AE%B9%E6%98%93%E8%AE%8A%E8%82%A5-1720048085671990.html

打飛機的力量

台灣網友模擬了一個有趣情景，如果屈原生於今天，他會有甚麼遭遇？仍然被追捧為民族英雄？

錯，屈原會在網民的攻擊下，死得比投江自盡更慘。

屈原跳河，放在今天，肯定會被指責是「玻璃心」，動不動便投河自盡，有沒有一點勇敢承擔的心態？

而且，一個輕生的行為是否值得傳媒大力吹捧甚至連學校都要放假慶祝，這是鼓勵學生輕生嗎？

再者，端午要吃糭，但把糭子丟到河裏，明顯是影響河中生態，浪費食物。

龍舟比賽，用網民的角度，則變成「擾亂河中魚蝦生活的元凶，是虐待動物的行為」。

一句話，屈原死有餘辜，別把你自己個人的自殺懦弱行為放大到民族英雄的層面。

你覺得純粹惡搞得啖笑嗎？我卻覺得非常反映現實，這就是今天，不單台灣，香港也有這種「酸民」的心態。

這種心態便是看不得別人成功，看不得別人美好；一旦有一個「正面歌頌」的對象出現，便要想辦法摧毀。

曾看過一條大隻佬練功夫的網絡短片，只見那人就像人間凶器，肌肉橫練，拳腳如風，似有開山劈石之功。

我看得大聲叫好，影片留言者眾，第一個留言得到最多人like，內容是「挑！你擋唔擋到子彈啊！」

點解我練功夫突然變咗要去擋子彈？咩邏輯？

這就是正宗的「雞蛋裏挑骨頭」，妒忌玻璃心。

任何人取得成就，他們都看不順眼，批評的方法是：你取得A成就，他便問你能否做B呢？

你是短跑冠軍，他便問你：「可以跑贏獵豹嗎」；你賽車冠軍，他便問你：「你識唔識潛水啊？」

你登上珠峰，「好叻咩？咁叻你唔去扶貧你唔去賑災？」

懷疑世間一切美好事物，質疑世上一切偉大的價值，以否定別人的成就去掩飾自己的一事無成。

這叫自慰，也就是打飛機。

 

原本連結：http://hk.apple.nextmedia.com/supplement/columnist/%E6%9B%BE%E5%BF%97%E8%B1%AA/art/20170601/20039829